Brailvi Books
 |
دلچسپ معلومات ( حصہ 2) |
39 - 360
سوال قرآنِ پاک میں سب جانوروں میں بدتر کن لوگوں کو قرار دیا گیا ہے ؟ جواب کافروں کو ، چنانچہ ارشادِ باری تعالیٰ ہے : )اِنَّ شَرَّ الدَّوَآبِّ عِنْدَ اللّٰهِ الَّذِیْنَ كَفَرُوْا فَهُمْ لَا یُؤْمِنُوْنَۖۚ(۵۵)( ( پ۱۰ ، الانفال : ۵۵) ترجَمۂ کنز الایمان : بیشک سب جانوروں میں بدتر الله کے نزدیک وہ ہیں جنہوں نے کفر کیا اور ایمان نہیں لاتے ۔ سوال ایمان اور نیک اعمال پر ثابِت قَدَمی میں رکاوٹ بننے والی چند چیزیں بیان کیجئے ؟ جواب ( 1) علمِ دِین سے بہرہ ور نہ ہونا ۔ ( 2) مسجد میں حاضر ہونے سے کترانا ۔ ( 3) زبان کی حفاظت نہ کرنا ۔ ( 4) کفر اور گناہوں کے ذریعے اپنی جانوں پر ظلم کرنا ۔ ( 5) کافروں بدمذہبوں اور فاسق و فاجر لوگوں کی صحبت اختیار کرنا ۔ ( 6) نفسانی خواہشات کی لذت حاصل کرنے کی حرص ہونا ۔ ( 7) مصائب وآلام اور آزمائشوں پر صبر نہ کرنا ۔ ( 8) اللہ تعالیٰ کی رحمت سے مایوس ہونا ۔ ( 9) لمبی اُمیدیں رکھنا اور ( 10) دنیا میں رغبت رکھنا وغیرہ ۔ (1) سوال وہ کون سے گناہ ہیں جن کی بخشش نہیں ؟ جواب شرک و کفر کبھی نہ بخشے جائیں گے یعنی جس کی موت کفر و شرک پر ہو اس کی ہرگز مغفرت نہ ہوگی ۔ ان کے سوااللہ تعالیٰ جس گناہ کو چاہے گا اپنے محبوب بندوں کی شفاعت سے یا محض اپنے کرم سے بخش دے گا ۔ (2) سوال کیا دل میں کسی کُفرِیہ بات کا خیال آنے سے انسان کافر ہوجاتا ہے ؟ جواب کُفرِیہ بات کا دل میں خیال پیدا ہوا اور زبان سے بولنا بُرا جانتا ہے تو یہ کفر نہیں بلکہ ________________________________ 1 - تفسیر صراط الجنان ، پ۱۲ ، ہود ، تحت الآیۃ : ۱۱۲ ، ۴ / ۵۰۶ ۔ 2 - پ۵ ، النساء : ۴۸ ، بنیادی عقائد اور معمولات اہلسنت ، ص۵۳ ، فتاوی رضویہ ، ۳۰ / ۷۹ ، ملتقطاً ۔