Brailvi Books
 |
دلچسپ معلومات ( حصہ 2) |
34 - 360
جواب نیکی کا پلڑا بھاری ہونے کے یہ معنی ہیں کہ اوپر اُٹھے ، دنیا کا سا معاملہ نہیں کہ جو پلڑا بھاری ہوتا ہے نیچے کو جھکتا ہے ۔ (1) سوال پُلِ صراط سے لوگ کس طرح گزریں گے ؟ جواب اپنے اعمال کے مطابق پُلِ صراط پر لوگ مختلف طرح سے گزریں گے ، بعض تو ایسے تیزی کے ساتھ گزریں گے جیسے بجلی کا کوندا کہ ابھی چمکا اور ابھی غائب ہوگیا اور بعض تیز ہواکی طرح ، کوئی ایسے جیسے پرند اڑتا ہے ، بعض جیسے گھوڑا دوڑتا ہے اور بعض جیسے آدمی دوڑتا ہے ، یہاں تک کہ کچھ لوگ سُرین پر گھسٹتے ہوئے اور کچھ چیونٹی کی چال چل کر جائیں گے ۔ (2) سوال قیامت کی کتنی قسمیں ہیں؟ جواب قیامت تین قسم کی ہے : قیامتِ صُغْریٰ : یہ موت ہے ۔ ’’مَنْ مَاتَ قَامَتْ قِیَامَتُه یعنی جو مر گیا اس کی قیامت ہو گئی ۔ “ (3) دوسری قیامتِ وُسْطیٰ : وہ یہ کہ ایک قَرْن ( یعنی ایک زمانہ) کے تمام لوگ فنا ہوجائیں اور دوسرے قَرْن کے نئے لوگ پیدا ہو جائیں ۔ تیسری قیامتِ کُبْریٰ : یعنی لوگوں کا سزا جزا کے لیے اٹھنا ۔ (4) سوال قیامت کے دن کون کس کی شفاعت کرے گا؟ جواب تمام انبیاءِ کرام عَلَیْہِمُ السَّلَاماپنی اُمت کی شفاعت فرمائیں گے (5) ، اولیاءِ ________________________________ 1 - تکمیل الایمان ، درسوال اطفال مومنین اختلاف است ، ص۷۸ ۔ 2 - مسلم ، کتاب الایمان ، باب معرفة طریق الرؤیة ، ص۹۷ ، حدیث : ۴۵۴ ۔ 3 - موسوعة ابن ابی الدنیا ، کتاب ذکر الموت ، باب الخوف من اللہ تعالی ، ۵ / ۴۴۷ ، حدیث : ۱۷۳ ۔ 4 - مجمع بحار الانوار ، حرف القاف ، باب القاف مع الواو ، تحت اللفظ : قوم ، ۴ / ۳۵۱ ۔ 5 - معجم اوسط ، ۲ / ۲۰۹ ، حدیث : ۳۰۴۴ ۔