Brailvi Books
 |
دلچسپ معلومات ( حصہ 2) |
33 - 360
درمیانی زمانہ) کہتے ہیں ، حشر اِس کے چالیس برس بعد ہوگا ۔ (1) سوال میدانِ محشر میں حضرت سیدنا آدم عَلَیْہِ السَّلَام کو کیا حکم دیا جائے گا؟ جواب آپ عَلَیْہِ السَّلَامکوحکم ہوگا : ’’دوزخیوں کی جماعت الگ کرو ۔ “وہ عرض کریں گے : کتنوں میں سے کتنے ؟ ارشاد ہوگا : ”ہر ہزارمیں سے نو سوننانوے ۔ “ (2) سوال اُمتِ محمدیہ میں سے کتنے افرادبے حساب جنت میں داخل ہو ں گے ؟ جواب حدیث شریف میں ہے : 70 ہزار افراد بے حساب جنت میں داخل ہوں گے جن میں سے ہر ایک کے ساتھ مزید 70 ہزار ہوں گے ۔ (3) سوال قیامت میں لوگوں کو نامۂ اعمال کس طرح دیا جائے گا؟ جواب نیک لوگوں کو سیدھے ہاتھ میں اورگنہگاروں کو بائیں ہاتھ میں ۔ (4) اور کافر کا سینہ توڑ کر اُس کا بایاں ہاتھ پیچھے کی طرف نکال کر پیٹھ کے پیچھے سے دیاجائے گا ۔ (5) سوال روزِ محشر ہر شے کے متعلق کتنے اور کون کون سے سوال ہوں گے ؟ جواب بروزِ قیامت ہر شے کے بارے میں تین سُوال ہوں گے : ( 1) تم نے یہ چیز کس طرح حاصِل کی؟ ( 2) اسے کہاں خرچ کیا اور ( 3) کس نیّت سے خرچ کیا؟ (6) سوال نامَۂ اعمال تولے جاتے وقت نیکی کا پلڑا بھاری ہونے کا کیا مطلب ہے ؟ ________________________________ 1 - ملفوظات اعلیٰ حضرت ، ص۴۵۶ ۔ 2 - بخاری ، کتاب احادیث الانبیاء ، باب قصة یاجوج وماجوج ، ۲ / ۴۱۹ ، حدیث : ۳۳۴۸ ۔ 3 - مسند امام احمد ، حدیث عبدالرحمٰن بن ابی بکر ، ۱ / ۴۱۹ ، حدیث : ۱۷۰۶ ۔ 4 - پ۲۹ ، الحاقة : ۱۹ ، ۲۵ ، ابن ماجہ ، کتاب الزھد ، باب ذکر البعث ، ۴ / ۵۰۶ ، حدیث : ۴۲۷۷ ، ماخوذا ۔ 5 - تفسیر قرطبی ، پ۳۰ ، الانشقاق ، تحت الآیة : ۱۹ ، ۱۰ / ۱۹۲ ۔ 6 - منھاج العابدین ، الباب الثالث العقبة الثالثة وھی عقبة العوائق ، الفصل الخامس فی البطن وحفظہ ، ص۹۱ ۔