Brailvi Books
 |
دلچسپ معلومات ( حصہ 2) |
25 - 360
پہچانتے ہو؟ سب کہیں گے : ہاں ! یہ موت ہے ، وہ ذبح کر دی جائے گی اور کہے گا : اے اہلِ نار ! ہمیشگی ہے ، اب موت نہیں ۔ اس وقت اُن کے لیے غم بالائے غم ہوگا ۔ (1) عالَمِ بَرْزَخ سوال بَرْزَخ سے مراد قبر ہے یا وہ زمانہ جو بعد مرنے سے قیامت یا حشر تک ہے ؟ جواب نہ قبر نہ وہ زمانہ بلکہ وہ مقامات جن میں اَرواح بعدِموت حشر تک حسبِ مراتب رہتی ہیں ۔ (2) سوال وہ کونسا وقت ہے جب ہر شخص پر اسلام کی حقانیّت واضح ہوجاتی ہے ؟ جواب جب زندگی کا وقت پورا ہو جاتا ہے ، اُس وقت حضرت عزرائیل عَلَیْہِ السَّلَام قَبضِ روح کے لیے آتے ہیں اور اُس شخص کے دائیں بائیں جہاں تک نگاہ کام کرتی ہے فرشتے دکھائی دیتے ہیں ، مسلمان کے آس پاس رحمت کے فرشتے ہوتے ہیں اور کافر کے دائیں بائیں عذاب کے ۔ (3) اُس وقت ہر شخص پر اسلام کی حقّانیت آفتاب سے زیادہ روشن ہو جاتی ہے ، مگر اُس وقت کا ایمان معتبر نہیں ۔ (4) سوال نزع کے وقت ایمان لانا کیوں فائدہ مند نہیں ہے ؟ ________________________________ 1 - بخاری ، کتاب التفسیر ، باب قولہ انذرھم یوم الحسرة ، ۳ / ۲۷۱ ، حدیث : ۴۷۳۰ ۔ بخاری ، کتاب الرقاق ، باب صفة الجنة والنار ، ۴ / ۲۶۰ ، حدیث : ۶۵۴۸ ۔ 2 - ملفوظات اعلیٰ حضرت ، ص۴۵۵ ۔ 3 - مسند امام احمد ، مسند الکوفیین ، ۶ / ۴۱۳ ، حدیث : ۱۸۵۵۹ ۔ 4 - تفسیر طبری ، پ۲۴ ، المومن ، تحت الآیة : ۸۵ ، ۱۱ / ۸۳ ۔