Brailvi Books
 |
دلچسپ معلومات ( حصہ 2) |
245 - 360
کرام حضورنبی کریم صَلَّی اللہُ تَعَالٰی عَلَیْہِ وَاٰلِہٖ وَسَلَّم کے ”حواری“ہیں ۔ (1) سوال حضورِاکرم صَلَّی اللہُ تَعَالٰی عَلَیْہِ وَاٰلِہٖ وَسَلَّم کے حواریوں کے نام بتائیے ؟ جواب 12حواریوں کے نام یہ ہیں : ( 1) حضرت ابوبکر ( 2) حضرت عمرفاروق ( 3) حضرت عثمان غنی ( 4) حضرت علی المرتضیٰ ( 5) حضرت حمزہ ( 6) حضرت جعفر ( 7) حضرت ابوعبیدہ بن الجراح ( 8) حضرت عثمان بن مظعون ( 9) حضرت عبدالرحمٰن بن عوف ( 10) حضرت سعد بن ابی وقاص ( 11) حضرت طلحہ بن عُبَیْدُاللہ ( 12) حضرت زبیر بن عوام رِضْوَان اللّٰہِ تَعَالٰی عَلَیْہِمْ اَجْمَعِیْن ۔ (2) گزشتہ اَقوام سوال اُمَّتِ محمدیہ سے پہلے کتنی اُمتیں گزریں؟ جواب اِس اُمَّت سے قبل 69اُمتیں گزری ہیں ۔ حضور نبیٔ کریم صَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشادفرمایا : اِنَّكُمْ تَتِمُّوْنَ سَبْعِيْنَ اُمَّةً اَنْتُمْ خَيْرُهَا وَاَكْرَمُهَا عَلَى اللهِ ترجمہ : تم 70 امتوں کو مکمل کرنے والے ہو ، تم اللہ عَزَّ وَجَلَّ کے نزدیک اُن سب سے بہتر اور سب سے زیادہ عزت والے ہو ۔ (3) سوال وہ کون سے چار نفوس ہیں جوباپ کی پشت سے پیدا ہوئے نہ ماں کے پیٹ سے ؟ جواب حضرت سیِّدُنا آدَم عَلَیْہِ السَّلَام ، حضرت سیِّدَتُنا حوّا رَحْمَۃُ اللہِ تَعَالٰی عَلَیْہَا ، حضرت سیِّدُنا اِسماعیل عَلَیْہِ السَّلَام کا مینڈھا اور حضرت سیِّدُناصالِح عَلَیْہِ السَّلَام کی اونٹنی ۔ (4) ________________________________ 1 - تفسیر بغوی ، پ۳ ، آل عمران ، تحت الآیۃ : ۵۲ ، ۱ / ۲۳۶ ، ماخوذاً ۔ 2 - تفسیر بغوی ، پ۳ ، آل عمران ، تحت الآیۃ : ۵۲ ، ۱ / ۲۳۶ ۔ 3 - ترمذی ، کتاب التفسیر ، باب ومن سورةاٰل عمران ، ۵ / ۷ ، حدیث : ۳۰۱۲ ۔ 4 - الروض الفائق ، المجلس السابع والاربعون فی مناقب الصالحین رضی اللہ عنھم ، ص ۲۷۱ ۔