Brailvi Books

 کی زبان میں کہ اسے جھوٹ ، غیبت اورفضول گوئی سے بچائے اور ذِکرو تلاوت اور مذاکرۂ علم میں مشغول رکھے (  2) اپنے پیٹ کے معاملے میں خوف رکھے کہ اس میں صرف حلال وطَیِّب کو داخل کرے اور حلال میں سے بقدرِ حاجت کھائے  (  3) اپنی آنکھ کے معاملے میں خوف رکھے کہ حرام کی طرف نہ دیکھے اور دنیا کی طرف بجائے رغبت کے عبرت کی نظر سے دیکھے (  4) اپنے ہاتھ کے معاملے میں خوفِ الٰہی رکھے کہ انہیں حرام کی طرف نہ بڑھائے بلکہ اطاعتِ باری تعالیٰ کے کاموں میں لگائے (  5) اپنے پاؤں کے معاملے میں ڈرے کہ  اللہ عَزَّ  وَجَلَّ کی نافرمانی میں نہ چلیں (  6) اپنے دل  کے معاملے میں خوف رکھے کہ اُس میں سے بغض وعداوت اور حسد نکل جائے اور مسلمانوں کے لیے شفقت ونصیحت  پیدا ہو اور (  7) بندہ اطاعتِ الٰہی کے معاملے میں خوف زدہ رہے کہ  اطاعت محض  اللہ تعالیٰ کے لیے ہو اور ریاونفاق سے ڈرتارہے ۔  (1) 
سوال	کتناخوفِ خدا  ضروری ہے ؟ 
جواب	حضرت سیدنا معاذ بن جبل رَضِیَ اللہُ تَعَالٰی عَنْہنے بارگاہِ رسالت میں نصیحت کی درخواست کی تو حضور نبی پاک صَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمايا  :  جہاں تک ممکن ہو اپنے اوپر اللہ عَزَّ  وَجَلَّ کا خوف لازم کر لو ، ہر شجر کے پاس اللہ عَزَّ  وَجَلَّ کا ذکر کرتے رہواور جب کوئی بُرا کام کر بیٹھو تو ہر بُرے کام کے ليے نئی توبہ کرو ، اگر گناہ خفيہ کيا ہو تو توبہ بھی خفيہ کرو اوراگر گناہ علانيہ ہے تو توبہ بھی



________________________________
1 -     تنبیہ الغافلین ، باب ماجاء فی خوف اللہ تعالی ، ص۲۰۹ ۔