Brailvi Books
 |
دلچسپ معلومات ( حصہ 2) |
193 - 360
آیات اور سورتوں کی معلومات سوال سورۂ آلِ عمران میں مذکور دومشہور غزوات کے نام بتائیے ؟ جواب سورۂ آلِ عمران میں بیان ہونے والے دو مشہور غزوات غزوۂ بدر (1) اور غزوۂ اُحد ہیں ۔ (2) سوال کس سورت کے نزول کے وقت 70ہزار فرشتے اُترے تھے ؟ جواب سورۂ انعام کے نزول کے وقت 70ہزار فرشتے آئے جن سے آسمانوں کے کنارے بھر گئے ۔ (3) سوال مکّی سورتوں میں سب سے بڑی سورت کون سی ہے ؟ جواب سورۂ اَعراف مکی سورتوں میں سب سے بڑی سورت ہے ۔ (4) سوال سورۂ یٰسٓ میں کتنے حروف ہیں؟ جواب تین ہزارحروف ہیں ۔ (5) سوال سورۂ واقعَہ کی کوئی ایک فضیلت سنائیے ؟ جواب حضورسیدِ عالَم صَلَّی اللہُ تَعَالٰی عَلَیْہِ وَاٰلِہٖ وَسَلَّم نے فرمایا : جو شخص سورۂ واقعہ کو ہررات پڑھے وہ فاقہ سے ہمیشہ محفوظ رہے گا ۔ (6) ________________________________ 1 - پ۳ ، اٰل عمران : ۱۲۳ ۔ 2 - پ۳ ، اٰل عمران : ۱۶۸ ، ۱۷۲ ۔ 3 - خزائن العرفان ، پ۷ ، الانعام ، ص۲۴۵ ۔ 4 - تفسیر صراط الجنان ، پ۸ ، الاعراف ، ۳ / ۲۶۳ ۔ 5 - خزائن العرفان ، پ۲۲ ، یٰس ، ص۸۱۴ ۔ 6 - مسند حارث ، کتاب التفسیر ، سورة الواقعة ، ۲ / ۷۲۹ ، حدیث : ۷۲۱ ۔