Brailvi Books
 |
دلچسپ معلومات ( حصہ 2) |
192 - 360
جواب جس کا زمانہ عمر ِانسانی کے مَراتِب میں ساٹھ سال کے بعد آتا ہے کہ قُویٰ ( طاقتیں) اور حَواس سب ناکارہ ہوجاتے ہیں اور انسان کی یہ حالت ہو جاتی ہے کہ جاننے کے بعد کچھ نہ جانے اور نادانی میں بچوں سے زیادہ بدتر ہو جائے ۔ (1) سوال وہ کون لوگ ہیں جو ’’اَرْذَلِ الْعُمُر ‘‘کی حالت سے محفوظ رہیں گے ؟ جواب جو قرآنِ پاک کی تلاوت کے ساتھ ساتھ اس کے اَحکامات پر عمل پیرا ہو ، اسی طرح باعمل علمائے کرام’’اَرْذَلِ الْعُمُر ‘‘کی حالت سے محفوظ رہیں گے بلکہ جوں جوں ان کی عمر میں اضافہ ہوگا ان کے علم ، ان کی سمجھ اور مَعْرِفَت میں بھی ترقی ہوتی رہے گی ۔ سوال قرآنِ پاک کی سورۂ قمر میں’’شق القمر ‘‘سے کیا مراد ہے ؟ جواب ’’شق القمر‘‘سے مراد حضور عَلَیْہِ الصَّلٰوۃُ وَالسَّلَام کا وہ ’’معجزہ ‘‘ہے جس میں آپ نے چاند کو دو حصّے کرکے دکھایا ۔ (2) سوال قرآنِ پاک میں مذکور’’طورِ سینا‘‘سے کیا مراد ہے ؟ جواب یہ وہ پہاڑ ہے جس پر اللہ عَزَّ وَجَلَّ نے حضرت سیدناموسیٰ عَلٰی نَبِیِّنَاوَعَلَیْہِ الصَّلٰوۃُ وَالسَّلَام سے کلام فرمایا ۔ (3) سوال قرآنِ کریم میں لفظِ ’’قرآن ‘‘کتنی بار آیا ہے ؟ جواب قرآنِ کریم میں کلمہ ’’قرآن ‘‘ستر ( 70) بار آیاہے ۔ ________________________________ 1 - خزائن العرفان ، پ۱۴ ، النحل ، تحت الآیۃ : ۷۰ ، ص۵۱۲ ۔ 2 - خزائن العرفان ، پ۲۷ ، القمر ، تحت الایۃ : ۱ ، ص۹۷۶ ، ملخصاً ۔ 3 - درمنثور ، پ۱۸ ، المومنون ، تحت الآیة : ۲۰ ، ۶ / ۹۵ ۔