Brailvi Books
 |
دلچسپ معلومات ( حصہ 2) |
19 - 360
سوال جنّت کی دیواریں کس چیز کی بنی ہوئی ہیں؟ جواب جنّت کی دیواریں سونے چاندی کی اینٹوں اورمشک کے گارے سے بنی ہیں ۔ (1) سوال جنّت میں داخل ہونے والے پہلے اور دوسرے گروہ کے چہرے کس طرح روشن ہوں گے ؟ جواب پہلے گروہ کے چہرے چودہویں رات کے چاند کی طرح اور دوسرے گروہ کے چہرے نہایت روشن ستارے کی مانندروشن وچمکدار ہوں گے ۔ (2) سوال کیا اہلِ جنّت کھاپی کرقضائے حاجت کریں گے ؟ جواب جنّتی جنت میں کھائیں گے اور پئیں گے لیکن نہ قضائے حاجت کریں گے نہ ناک صاف کریں گے ، ان کا کھانا ایک ڈکار کی صورت میں ہضم ہوجائے گا جو مشک کی طرح خوشبودار ہوگی ۔ (3) سوال دنیا اور جنّت کی شراب میں کیا فرق ہے ؟ جواب دنیا کی شراب میں بدبُو ، کڑواہٹ اور نشہ ہوتا ہے ، پینے والے بے عقل ہو جاتے ہیں اورآپے سے باہر ہوکر بیہودہ بکتے ہیں جبکہ جنّت کی پاکیزہ شراب اِن سب باتوں سے پاک و منزَّہ ہے ۔ (4) سوال جنّتی جنت میں کونسی عبادت کریں گے ؟ ________________________________ 1 - البعث والنشور ، باب ما جاء فی حائط الجنة وترابھا وحصائھا ، ص۱۷۹ ، حدیث : ۲۵۶- ۲۵۷ ، ملتقطاً ۔ 2 - بخاری ، کتاب بدء الخلق ، باب ما جاء فی صفةالجنة وانھا مخلوقة ، ۲ / ۳۹۳ ، حدیث : ۳۲۵۴ ۔ 3 - مسلم ، کتاب الجنة وصفة نعيمھا واھلھا ، باب فی صفات الجنة ۔ ۔ ۔ الخ ، ص۱۱۶۵ ، حدیث : ۷۱۵۲ ۔ 4 - تفسیر ابن کثیر ، پ۲۶ ، محمد ، تحت الآیة : ۱۵ ، ۷ / ۲۸۹ ۔