Brailvi Books
 |
دلچسپ معلومات ( حصہ 2) |
186 - 360
جواب حضرتِ سیدنا ابواُمَامَہ رَضِیَ اللہُ تَعَالٰی عَنْہسے روایت ہے کہ حضور نبیِ رحمت ، شفیع ِاُمت صَلَّی اللہُ تَعَالٰی عَلَیْہِ وَاٰلِہٖ وَسَلَّم نے فرمایا : تین اشخاص کا ضامن اللہ عَزَّ وَجَلَّ ہے ، اگر زند ہ رہیں تورزق دئیے جائیں اور اگر مرجائیں تو اللہ عَزَّ وَجَلَّ انہیں جنت میں داخل فرمائے گا : ( 1) جو اپنے گھر میں داخل ہوکر سلام کرے اللہ عَزَّوَجَلَّاس کا ضامن ہے ( 2) جو مسجد کی طرف چلے اللہ عَزَّ وَجَلَّاس کاضامن ہے اور ( 3) جوراہِ خدا میں نکلے اللہ عَزَّ وَجَلَّاس کا ضامن ہے ۔ (1) سوال حدیثِ پاک کی روشنی میں بتائیے کہ کون کس کو سلام کرے ؟ جواب حضورتاجدارِرِسالت صَلَّی اللہُ تَعَالٰی عَلَیْہِ وَاٰلِہٖ وَسَلَّمنے ارشادفرمایا : سوار پیدل کو سلام کرے ، چلنے والا بیٹھے ہوئے کو ، تھوڑ ے لوگ زیادہ کواور چھوٹا بڑے کو سلام کرے ۔ (2) نیزفتاویٰ عالمگیری میں ہے : پیچھے سے آنے والا آگے والے کو سلام کرے ۔ (3) سوال ایک جگہ جمع لوگوں کوکسی نے آکرسلام کیاتوکس پر جواب دینا لازم ہوگا؟ جواب لوگ جمع ہوں اورکوئی آکر سلام کرے توکسی ایک کا جواب دے دینا کافی ہے ۔ اگر ایک نے بھی جواب نہ دیا تو سب گناہ گار ہوں گے ۔ (4) سوال گھر میں برکت کا کوئی نسخہ بتائیے ؟ ________________________________ 1 - الاحسان ، کتاب البر والاحسان ، باب الرحمة ، ۱ / ۳۵۹ ، حدیث : ۴۹۹ ۔ 2 - مسلم ، کتاب السلام ، باب یسلم الراکب علی الماشی...الخ ، ص۹۱۸ ، حدیث : ۵۶۴۶ ۔ بخاری ، کتاب الاستئذان ، باب تسلیم القلیل علی الکثیر ، ۴ / ۱۶۶ ، حدیث : ۶۲۳۱ ۔ 3 - فتاوی ھندیة ، کتاب الکراھیة ، الباب السابع فی السلام وتشمیت العاطس ، ۵ / ۳۲۵ ۔ 4 - فتاوی ھندیة ، کتاب الکراھیة ، الباب السابع فی السلام وتشمیت العاطس ، ۵ / ۳۲۵ ۔