Brailvi Books

جواب	غسل کے بغیر نماز پڑھی گئی تو نہیں ہوگی لہٰذا میت کو غسل دے کر دوبارہ نماز پڑھیں اور اگر قبر میں رکھ چکے مگر ابھی مٹی نہیں ڈالی گئی تو قبر سے نکالیں اور غسل دے کر نماز پڑھیں اور مٹی ڈال چکے تو اب نہيں نکال سکتے لہٰذا اب اُس کی قبر پر نماز پڑھیں کیونکہ غسل نہ ہونے کی وجہ سے پہلی نماز ہوئی ہی نہیں تھی اور اب چونکہ غسل نا ممکن ہے لہٰذا اب ہو جائے گی ۔  (1) 
قبرودفن
سوال	مَیِّت کو تابوت میں رکھ کر دَفْن کرنا  کیسا ہے ؟ 
جواب	تابُوت کہ مَیِّت کو کسی لکڑی وغیرہ کے صندوق میں رکھ کر دفن کریں یہ مکروہ ہے ، مگر جب ضرورت ہو مثلاً زمین بہت تر ہے تو حرج نہیں اور اس صورت میں تابوت کے مَصَارِف  (  یعنی اخراجات) اس مال میں سے ليے جائیں جو مَیِّت نے چھوڑا ہے ۔  (2) 
سوال	تابوت میں رکھ کر دفن کرنے کاطریقہ  کیا ہے ؟ 
جواب	اگر تابوت میں رکھ کر دفن کریں تو سُنّت یہ ہے کہ اس میں مٹی بچھا دیں اور دائیں بائیں کچی اینٹیں لگا دیں اور اوپر مٹی کی لِپائی کر دیں ، غرض یہ کہ اندر کا حصہ لَحْد کی طرح ہو جائے ۔  (3) 
سوال	مَیِّت کی تدفین کہاں مستحب ہے  اور قَبْر کس جگہ بنانی بہتر ہے ؟ 
جواب	 جس شہر یا گاؤں وغیرہ میں انتقال ہوا وہیں کے قبرستان میں دفن کرنا مستحب 



________________________________
1 -     درمختار مع ردالمحتار ، کتاب الصلاة ، باب صلاة الجنازة ، مطلب فی صلاة الجنازة ، ۳ /  ۱۲۱ ۔ 
2 -     بہار شریعت ، حصہ۴ ، ۱ /  ۸۴۳ ۔ 
3 -      رد المحتار ، کتاب الصلاۃ ، باب صلاۃ الجنازۃ ، ۳ / ۱۶۵ملخصاً ۔