Brailvi Books

  پابندی کے ساتھ شرکت کو اپنا معمول بنا لیا میری زندگی میں  رونما ہونے والے اس مدنی انقلاب کا سہرا اس اجنبی خیر خواہ اسلامی بھائی کے سر بھی جاتا ہے جنہوں  نے کیسٹ کی صورت میں  مجھے ایسا انمول تحفہ عطا کیا جو مجھے گناہوں  کی دلدل سے نکالنے کا سبب بنا۔  اَلْحَمْدُلِلّٰہ عَزَّوَجَلَّ تادمِ تحریر کابینہ سطح پر تعویذاتِ عطاریہ کے ذمے دار کی حیثیت سے سنّتوں  کی خدمت میں  مصروف ہوں ، اللہ عَزَّوَجَلَّ مجھے دعوتِ اسلامی کے مدنی ماحول میں  تاقیامِ قیامت استقامت عطا فرمائے۔ آمین
اللہ عَزَّوَجَلَّ کی امیرِاہلسنّت پَر رَحمت ہو اور ان کے صد قے ہماری بے حسا ب مغفِرت ہو۔
صلُّوْاعَلَی الْحَبِیْب!	صلَّی اللہ تعالٰی علٰی محمَّد
{2} نافرمان، فرمانبردار بن گیا
	قصور (پنجاب پاکستان) کے مقیم اسلامی بھائی اپنی داستانِ عیش نشان کے خاتمے کا بیان کچھ یوں  تحریر کرتے ہیں  کہ دعوتِ اسلامی کے مدنی ماحول سے وابستگی سے قبل میں  گناہوں  کی دلدل میں  دھنستا جارہا تھا فلم بینی کا بہت شوقین تھا، جو بھی نئی فِلم آتی دیکھے بغیر چین نہ آتا، والدین کے ادب واِحترام کی کچھ پرواہ نہ کرتا، نہ صرف ان کی حکم عدولی کیا کرتا بلکہ ان کے سامنے زبان درازی سے بھی دریغ نہ کرتا۔ بس یوں  سمجھئے کہ برائیوں  کے جراثیم میرے رگ وپے میں  رَچ بس گئے تھے، بگڑے ہوئے چند دوستوں  پر مشتمل میرا ایک گروپ تھا جس