Brailvi Books

عیب پر ہنسنا گناہ ہے اسی طرح کسی مسلمان کو بُرے القاب سے پکارنابھی گناہ ہے ،کسی کو کتّا،گدھا،سُوَر وغیرہ نہیں کہہ سکتے، اسی طرح کسی میں عیب موجود ہو تب بھی اُسے اُس عیب کےساتھ نہیں پکار سکتے مَثَلًا اے اندھے ! ابے کانے ! او لمبے ،ارے ٹھگنے !وغيرہ ،ہاں ضَرورتاًپہچان کروانے کیلئے نابینا وغیرہ کہہ سکتے ہیں۔ لوگوں پر ہنسنے،بُرے اَلقاب سے پکارنے اور مذاق اُڑانے والوں کو قراٰنِ پاک نے ''فاسِق'' کافتوٰی ارشاد فرمایا ہے اور جو توبہ نہ کرے اسے ظالم قراردیا ہے ۔ لوگوں کا مذاق اُڑانے والو! کان کھول کرسن لو !