Brailvi Books

کرتا ہے تاکہ اس کا دنیوی معاملہ منظّم ہو اور عیاشی کے لئے آسانی ہو کیونکہ جس کا مال زیادہ ہوتا ہے اسے لوگوں کی حاجت بھی زیادہ ہوتی ہے اور جو لوگوں کی جانب محتاج ہو اس کا لوگوں کے ساتھ منافقت کرنا ناگزیر ہے اور وہ لوگوں کی رضا مندی حاصل کرنے کے لئے اللہ تعالیٰ کی نافرمانی کرتا ہے۔

    اگر آدمی پہلی آفت سے بچ بھی جائے تو بھی اس سے نہیں بچ سکتا اور جب مخلوق کی طرف حاجت ہو تو دوستی اور دشمنی بھی پیدا ہوتی ہے اور اس سے حسد، کینہ، ریا، تکبر، جھوٹ، چغلی، غیبت اور ایسے تمام گناہ پیدا ہوتے ہیں جو دل اور زبان کے ساتھ خاص ہیں اور پھر یہ تمام اعضاء کی طرف متعدی ہوتے ہیں اور یہ سب کچھ مال کی نحوست اور اس کی حفاظت اور اصلاح کی حاجت کے باعث ہوتا ہے۔

تیسری قسم:یہ وہ آفت ہے جس سے کوئی بھی نہیں بچتا وہ یہ کہ مال کی اصلاح اسے اللہ

تعالیٰ کے ذکر سے غافل کردیتی ہے اور جو کام بندے کو اللہ تعالیٰ سے غافل کردے وہ نقصان کا باعث ہے۔

    اسی لئے حضرت عیسیٰ علیہ السلام نے فرمایا:

    مال میں تین آفات ہیں ایک یہ کہ حرام طریقے سے حاصل کرے، عرض کی گئی: اگر حلال طریقے سے حاصل کرے تو؟ فرمایا: اسے ناحق استعمال کرتا ہے پوچھا گیا: اگر صحیح مقام پر خرچ کرے تو؟ فرمایا: اس کی اصلاح اسے اللہ تعالیٰ سے غافل کردیتی ہے۔