Brailvi Books
 |
ضیائے صدقات |
40 - 408
پاس گواہ موجود ہيں تو جب مال ملے گا سالہائے گزشتہ کی بھی زکوٰۃواجب ہے۔۱؎ (۱۳)ايک نے دوسرے کے مثلاً ہزار روپے غصب کرلئے پھر وہی روپے اس سے کسی اور نے غصب کرکے خرچ کرڈالے اور ان دونوں غاصبوں کے پاس ہزار ہزارروپے اپنی مِلک کے ہيں تو غاصبِ اوّل پر زکوٰۃ واجب ہے دوسرے پر نہيں۔۲؎ (۱۴)شے مرہون (گروی رکھی گئی چيز) کی زکوٰۃ نہ مرتہن (جس کے پاس رہن رکھا گيا ہے) پر ہے نہ راہن (جس نے رہن رکھوايا ہے) پر۔ مرتہن تو مالک ہی نہيں اور راہن کی مِلک تام (مکمل) نہيں کہ اس کے قبضہ ميں نہيں اور بعد رہن چھُڑانے کے بھی ان برسوں کی زکوٰۃ واجب (يعنی فرض) نہيں۔۳؎ (۱۵)جو مال تجارت کے لئے خريدا اور سال بھر تک اس پر قبضہ نہ کيا تو قبضہ سے قبل مشتری (خريدار) پر زکوٰۃ واجب (يعنی فرض) نہيں اور قبضہ کے بعد اس سال کی بھی زکوٰۃ واجب (يعنی فرض) ہے۔۴؎ (۱۶)نصاب کا مالک ہے مگر اس پر دَين (یعنی قرض) ہے کہ ادا کرنے کے بعد نصاب نہيں رہتی تو زکوٰۃ واجب (يعنی فرض) نہيں۔۵؎
مدینــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــہ ۱؎ (بہارِ شريعت بحوالہ تنوير الابصار، حصہ پنجم، ص۹) ۲؎ (بہارِ شريعت بحوالہ عالمگيری، حصہ پنجم، ص۹) ۳؎ (بہارِ شريعت بحوالہ در وغيرہ،حصہ پنجم، ص۹) ۴؎ (بہارِ شريعت بحوالہ درّ و ردّ،حصہ پنجم، ص۹) ۵؎ (بہارِ شريعت،حصہ پنجم، ص۹)