Brailvi Books

حضرت عبد اللہ بن مسعود سے مروی ہے، فرماتے ہيں: خاتم المرسلین، رحمۃ للعالمین، شفیع المذنبین، انیس الغریبین، سراج السالکین، محبوب رب العٰلمین، جناب صادق و امینصلی اللہ تعالیٰ علیہ وسلم نے فرمايا: جو لوگوں سے مانگے حالانکہ اسکے پاس اتنا ہے جو اسے بے پرواہ کردے تو قيامت ميں اس طرح آئیگا کہ اسکے سوال اس کے چہرے ميں کُھرچن يا خارش يا زخم ہونگے، عرض کيا گيا: يارسول اللہ! قدرِ غنا کيا ہے؟ فرمايا: پچاس درہم يا اس قيمت کا سونا۔

    حکیم الامت مفتی احمد یار خان نعیمی رحمۃ اللہ تعالیٰ علیہ اس حدیث کی شرح میں فرماتے ہیں:يعنی اس کے پاس روز مرہ کی ضروريات کھانا کپڑا ہے اور کوئی خاص ضرورت درپيش نہيں۔

    مزید فرماتے ہیں:ظاہر يہ ہے کہ تينوں ہی الفاظ اَوْ کے ساتھ حضور انورصلی اللہ تعالیٰ علیہ وسلم ہی کے ہيں، راوی کا شک نہيں اور ان تينوں کے الگ الگ معنی ہيں، ہر دوسرے لفظ ميں پہلے سے ترقی زيادہ ہے، جيسا کہ ہم نے ترجمہ ميں ظاہر کرديا، چونکہ