Brailvi Books
 |
ضیائے صدقات |
321 - 408
عَنْ عِمْرَانَ بْنِ حُصَين رَضِیَ اللہُ تَعَالٰی عَنْہُ قَالَ: قَالَ رَسُوْلُ اللہِ صَلَّی اللہُ تَعَالٰی عَلَیْہِ وَسَلَّمَ : ''مَسْأَلَۃُ الْغَنِيِّ شَين فِيْ وَجْھِہِ يوْمَ الْقِيامَۃِ، وَمَسْأَلَۃُ الْغَنِيِّ نَارٌ إِنْ أُعْطِيَ قَلِيلاً فَقَلِيل وَإِنْ أُعْطِيَ کَثِيراً فَکَثِير''.۱؎
حضرت عمران بن حصين رضی اللہ تعالیٰ عنہ فرماتے ہيں:نبی مکرم،نورمجسم، رسول اکرم، شہنشا ہ بنی آدم صلی اللہ تعالیٰ علیہ وسلم نے فرمايا: غنی کا مانگنا بروزِ قيامت اس کے چہرے پر عيب ہوگا اور غنی کا مانگنا آگ ہے، اگرتھوڑا دیا گیا تو تھوڑی اور زيادہ دیا گیا تو زيادہ ۔
ايک اور حديث شريف:عَنْ جَابِرِ بْنِ عَبْدِ اللہِ رَضِيَ اللہُ عَنْھُمَا أَنَّ رَسُوْلَ اللہِ صَلَّی اللہُ تَعَالٰی عَلَیْہِ وَسَلَّمَ قَالَ: ''مَنْ سَأَلَ وَھُوَ غَنِيٌّ عَنِ الْمَسْأَلَۃِ يحْشَرُ يوْمَ الْقِيامَۃِ، وَھِيَ خُمُوْشٌ فِيْ وَجْھِہِ''.۲؎
حضرت جابر بن عبد اللہ رضی اللہ تعالیٰ عنہما سے مروی ہے کہ شہنشاہ مدینہ،قرارقلب و سینہ، صاحب معطر پسینہ، باعث نزول سکینہ، فیض گنجینہ صلی اللہ تعالیٰ علیہ وسلم نے فرمايا: جوشخص سوال کرے حالانکہ وہ سوال سے بے پرواہ ہے تو بروزِ قيامت اس کا حشر یوں ہوگا کہ وہ سوال اس کے چہرے پر خراشيں ہوگا۔
ايک روايت ميں ہے کہ حضرت موسیٰ علیہ السلام نے اپنے رب تعالیٰ سے عرض کی: اے ميرے رب! تيرا کونسا بندہ زيادہ غنی ہے؟ اللہ تعالیٰ نے فرمايا: وہ شخص جو ميرے دئيے پر سب سے زيادہ قناعت کرے۔ عرض کی: سب سے زيادہ عدل کرنے والا کون ہے؟ اللہ تعالیٰ نے فرمايا جو اپنے آپ سے انصاف کرتا ہے۔۳؎