Brailvi Books

ہيں جن کا اللہ تعالیٰ نے ہميں والی بنايا تو ان ميں سے بعض آکر کہتے ہيں کہ يہ تمہارا ہے اور يہ مجھے ہديہ نذرانہ ديا گيا تو وہ اپنے ماں باپ کے گھر کيوں نہ بيٹھ رہا؟ پھر ديکھتا کہ اُسے نذرانہ ملتا ہے يا نہيں، اس کی قسم جس کے قبضہ میں میری جان ہے کہ کوئی شخص اس میں سے کچھ نہ لے گا مگر قیامت کے دن اسے اپنی گردن پر اٹھائے لائے گا اگر اُونٹ ہے تو وہ بلبلاتا ہوگایا گائے ہے تو وہ چيختی ہوگی يا بکری کہ ممياتی ہوگی۔ پھر حضور صلی اللہ تعالیٰ علیہ وسلم نے اپنے ہاتھ اُٹھائے حتی کہ ہم نے حضور کی بغلوں کی سفيدی ديکھی پھر عرض کیا الٰہی!کیا ميں نے تبلیغ کردی اے مولیٰ کیا میں نے تبلیغ کردی۔

    ''یہ مجھے ہدیہ دیا گیا ہے''اس کے تحت حکیم الامت فرماتے ہیں:یعنی ان کے پاس وصول کردہ زکوٰۃ سے زيادہ مال تھا جو زکوٰۃ دينے والوں نے انہيں بطور ہديہ علاوہ زکوٰۃ ديا تھا، يہ ان صحابی کی انتہائی ديانتداری ہے کہ اس ہديہ کو گھر نہ رکھ گئے سب کچھ بارگاہ شريف ميں پیش کرديا اور اصل واقعہ بيان کرديا۔