Brailvi Books

حضرت عدی بن عميرہ رضی اللہ تعالیٰ عنہ سے مروی ہے، فرماتے ہيں: آقائے مظلوم، سرورمعصوم، حسن اخلاق کے پیکر،نبیوں کے تاجور، محبوب ر ب اکبر صلی اللہ تعالیٰ علیہ وسلم نے فرمايا: ہم تم ميں سے جسے کسی کام پر عامل بنائيں پھر وہ ہم سے سُوئی يا اس سے بھی کمتر چیز چھپالے تو يہ خيانت ہے، جسے قيامت کے دن لائیگا۔تو آپ کی بارگاہ ميں ايک حبشی انصاری شخص کھڑے ہوئے راوی کہتے ہیں:گويا کہ ميں اُن کی جانب ديکھ رہا ہوں اورعرض کرنے لگے: يارسول اللہ!آپ مجھ سے اپنا کام واپس قبول فرما ليجئے ، نبی مکرم،نورمجسم، رسول اکرم، شہنشا ہ بنی آدم صلی اللہ تعالیٰ علیہ وسلم نے فرمايا: کيا ہوا؟ عرض کی: ميں نے آپ کواس اس طرح فرماتے سُنا۔آپ نے فرمايا: ميں اب بھی یہی کہتا ہوں کہ جسے ہم کسی کام پرعامل بنائيں تو وہ قلیل وکثیر ہماری بارگاہ ميں لے کر حاضر ہو اورپھر اس میں سے جو اسے ديا جائے وہ لے اور جس سے منع کيا جائے اس سے باز رہے۔