Brailvi Books

ہوکر پوچھ آؤ اگر تم پر ميرا صدقہ کرنا درست ہو تو خير ورنہ ميں آپ لوگوں کے سواء کسی اور جگہ خرچ کروں، فرماتی ہيں، کہ مجھ سے عبد اللہ بولے، کہ تم ہی وہاں جاؤ، لہٰذا ميں چلی گئی تو حضور صلی اللہ تعالیٰ علیہ والہ وسلم کے درِ اقدس پر ايک اور انصاری بی بی تھيں جنہيں ميرے جيسا ہی کام تھا، فرماتی ہيں، کہ رسول اللہ صلی اللہ تعالیٰ علیہ وسلم پر قدرتی ہيبت دی گئی تھی، فرماتی ہيں، کہ ہمارے پاس حضرت بلال رضی اللہ تعالیٰ عنہ آئے ہم نے اُن سے عرض کيا کہ رسول اللہ صلی اللہ تعالیٰ علیہ وسلم کی خدمت ميں جائيں اور عرض کريں کہ دروازے پر دو بيبياں ہيں جو حضورسے پوچھتی ہيں کہ کيا اُن کا اپنے خاوندوں اور اُن يتيموں پر خرچ کردينا جو اُن کی پرورش ميں ہوں صدقہ بن جائیگا؟ اور يہ نہ بتانا کہ ہم کون ہيں، فرماتی ہيں، کہ حضرت بلال ر ضی اللہ تعالیٰ عنہ رسول اللہ صلی اللہ تعالیٰ علیہ وسلم کی خدمت ميں حاضر ہوئے اور مسئلہ پوچھا، اُن سے رسول اللہ صلی اللہ تعالیٰ علیہ