Brailvi Books

حضرت ابو ہريرہ رضی اللہ تعالیٰ عنہ سے مروی ہے، فرماتے ہيں، رسول اللہ صلی اللہ تعالیٰ علیہ وسلم نے فرمايا، سخاوت جنت ميں ايک درخت ہے جو سخی ہوا اس نے اس درخت کی شاخ پکڑلی وہ شاخ اُسے نہ چھوڑے گی حتی کہ اُسے جنت ميں داخل کردے گی اور بخل آگ ميں درخت ہے جو بخيل ہوا اُس نے اسکی شاخ پکڑی وہ اُسے نہ چھوڑے گی حتی کہ آگ ميں داخل کرے گی

''يعنی سخاوت کی جڑ جنت ميں ہے اور اس کی شاخيں دنيا ميں، چونکہ سخاوت کی قسميں بہت ہيں اسلئے فرمايا گيا کہ اس درخت کی دنيا ميں شاخيں بہت پھيلی ہوئی ہيں، جيسے قرآن کريم فرماتا ہے کہ کلمہ طيبہ کی جڑ مسلمان کے قلب ميں ہے اور شاخيں آسمان ميں ہميشہ اپنے پھل دیتا ہے اس آيت ميں بھی تمثيل ہے اس حديث ميں بھی''۔

    ''شريعت ميں سخاوت کا ادنیٰ درجہ يہ ہے کہ انسان فرض صدقے ادا کرے، اور طریقت ميں ادنیٰ درجہ يہ ہے کہ صرف فرض پر قناعت نہ کرے نوافل صدقے بھی دے، حقيقت و معرفت والوں کے ہاں اس کا ادنیٰ درجہ يہ ہے کہ اپنی ضروريات پر دوسروں کی ضروريات کو ترجيح دے ان ميں سے ہر درجہ کے صدقہ کے نتيجے مختلف