Brailvi Books

حضرت ابو ہريرہ رضی اللہ تعالیٰ عنہ سے مروی ہے فرماتے ہيں، رسول اللہ صلی اللہ تعالیٰ علیہ وسلم نے فرمايا، ايک درہم ايک لاکھ درہم سے سبقت لے گیا،صحابہ کرام رضی اللہ تعالیٰ عنہم نے عرض کی،وہ کيسے؟ فرمايا (وہ يوں) کہ ايک شخص کے پاس فقط دو درہم تھے اس نے ان ميں سے ايک درہم صدقہ کرديا اورایک (مالدار) شخص اپنے مال کی طرف گیا اور اس میں سے اس نے ايک لاکھ درہم لے کر صدقہ کر دیا۔



    کيونکہمالدار شخص نے اگرچہ پہلے کی بانسبت ايک لاکھ گُنا زيادہ صدقہ کيا مگر اس کے ايک لاکھ پر پہلے شخص کا ايک درہم غالب آگيا، وجہ يہ ہے کہ اس نے اپنا نصف مال راہِ خدا ميں صدقہ کيا جبکہ مالدار نے نصف سے کم کيا۔

    چنانچہ علامہ سندھی فرماتے ہيں، حديث کے ظاہر معنی يہ ہيں کہ اجر، دينے والے کے حال کے مطابق ہوتا ہے نہ کہ مال کے۔ کہ دو درہم والے نے اپنا نصف

مال ديا جبکہ غنی نے (اگرچہ ايک لاکھ درہم دئيے مگر) نصف سے کم ديا تھا۔۲؎