Brailvi Books

شخصوں جيسی ہے جن پر لوہے کی دو زرہ ہوں اور ان کے ہاتھ ان کے سينوں اور گردنوں سے جکڑے ہوئے ہوں سخی جب خيرات کرنے کا ارادہ کرتا ہے تو زرہ پھيل جاتی ہے یہاں تک کہ اس کے پَورَوْں کو ڈھانپ لیتی ہے اور اس کے نشانات مٹا دیتی ہے اور کنجوس جب خيرات کا ارادہ کرتا ہے تو زرہ تنگ ہوجاتی ہے اور ہر کڑی اپنی جگہ چمٹ جاتی ہے۔

    يہ تشبيہ مرکّب ہے جس ميں دو شخصوں کی پوری حالتوں کو دوسرے دوشخصوں کے پورے حال سے تشبيہ دی گئی ہے يعنی کنجوس اور سخی کی حالتيں ان دو شخصوں کی سی ہيں جن کے جسم پر لوہے کی زرہيں ہيں، انسان کی خلقی اور پيدائشی محبتِ مال اور خرچ کرنے کو دل نہ چاہنے کو زرہوں سے تشبيہ دی گئی کہ جيسے زرہ جسم کو گھيرے اور چمٹی ہوتی ہے ايسی محبتِ مال انسان کے دل کو چمٹی ہوتی ہے رب تعالیٰ فرماتا ہے: