Brailvi Books

حضرت ابو ہريرہ رضی اللہ تعالیٰ عنہ سے مروی ہے فرماتے ہيں، رسول اللہ صلی اللہ تعالیٰ علیہ وسلم نے فرمايا کہ بندہ کہتا ہے، ميرا مال ميرا مال حالانکہ اُس کے مال صرف تين ہيں، جو کھا کر ختم کردے، يا پہن کر گلا دے، يا دے کر جمع کردے جو اُن کے علاوہ ہے وہ تو جانے والا ہے، اور وہ اُسے لوگوں کے لئے چھوڑتا ہے۔

    يعنی فخر وتکبر کے انداز ميں کہتا رہتا ہے کہ يہ ميرا مکان ہے، يہ ميری جائيداد ہے يہ ميرا کنواں ہے يہ ميرا فلاں مال ہے، يہ برا ہے۔ انسان کو چاہے کہ یقين

رکھے کہ ميں اور ميرا مال سب اللہ تعالیٰ کی مِلک ہے ميرے پاس چند روزہ ہے عارضی ہے خيال رہے کہ جسے انسان اپنا مال کہے اس کا مال يعنی انجام نِرا وبال ہے اور جو مال ذريعہ عبادت ہے وہ ذريعہ آمال ہے جس سے بہت اميديں وابستہ ہيں۔

    حديث شريف ميں ''اُس کے مال صرف تين ہيں'' سے مراد: ''يعنی جو مال انسان کے کام آويں (آئيں) وہ صرف تين ہيں ان کے علاوہ سب دوسروں کے کام آتے ہيں۔۲؎