Brailvi Books

حضرت ابو ہریرہ رضی اللہ تعالیٰ عنہ سے مروی ہے، فرماتے ہیں: حضورپاک، صاحب لولاک، سیّاح افلاکصلی اللہ تعالیٰ علیہ وسلم نے فرمایا: سخی اللہ کے قریب ہے، جنت کے قریب ہے، لوگوں کے قریب ہے، آگ سے دور ہے اور کنجوس اللہ سے دور ہے، جنت سے دور ہے، لوگوں سے دور ہے، آگ کے قریب ہے اور یقیناً جاہل سخی کنجوس عابد سے افضل ہے۔

    حکیم الامّت رحمۃ اللہ تعالیٰ علیہ اس حدیث کی شرح میں فرماتے ہیں: یہاں مرقات نے فرمایا کہ حقیقی سخی وہ ہے جو غِنٰی پر رب تعالیٰ کی رضا کو ترجیح دے، اس کے تین قرب بیان ہوئے اور ایک دوری، اللہ تعالیٰ تو ہر ایک سے قریب ہے لیکن اس سے قریب کوئی کوئی ہے۔ شعر:

یار نزدیک تر از من بمعنی است ز دیں عجب بیں کہ من از وے دُورم

    اس حدیث میں اشارۃً فرمایا گیا کہ سخاوتِ مال حسنِ مآل یعنی انجام بخیر کا ذریعہ ہے۔ سخی سے مخلوق خود بخود راضی رہتی ہے۔