Brailvi Books

 تعالیٰ کے سارے وعدے سچے ہیں دیکھو اُس نے مہاجِرِین سے وعدہ فرمایا کہ تم کو بہت زمین دی جائے گی اور فراخی رزق عطا ہو گی يہ وعدہ جس شان سے پورا ہوا اس پر تاریخ گواہ ہے کہ مسلمان مکہ معظمہ سے کس حالت میں مدینہ منورہ آئے اور پھر یہاں آکر کس شان و شوکت کے مالک ہوئے ۔ (۳) ہجرت وہی قبول ہے جو رِضائے الہٰی (عزوجل)کے لئے ہو ۔ بیوی ، زمین ، پیسہ کمانے کی نیت سے ترکِ وطن اسلامی ہجرت نہیں اورنہ يہ شخص مُہاجِر ہے ۔ (۴) مسلمان مسافر تو بنتا ہے اپنی بستی سے نکل کر مگر مُہاجِر بن جاتا ہے اپنے دروازے کی چوکھٹ سے قدم نکال کر۔ يہ ربّ تعالیٰ کی بندہ نوازی ہے ۔ (۵) ہجرت اسلامی عبادت ہے مگر اِس میں اللہ و رسول (عزوجل و صلی اللہ تعالیٰ علیہ واٰلہٖ وسلم )کو راضی کرنے کی ہدایت کی گئی لہٰذا نماز ، روزہ، حج و زکوٰۃ بلکہ ایمان و اسلام و جہاد ہر عبادت میں اللہ و رسول (عزوجل و صلی اللہ تعالیٰ علیہ واٰلہٖ وسلم )کو راضی کرنے کی نیت کرنی چاہے۔(تفسیرِ نعیمی جلد ۵ ، ص ۳۸۷،۳۸۸)