Brailvi Books

کیا کچھ گنجائش ہے کہ علماء ایسے شخص کے امام بنانے کو جائز رکھیں یا اس کی اقتداء کے ناجائز ہونے میں کچھ اختلاف کریں یہ درست ہے کہ فاسق کے پیچھے نماز ہونے کی ایک صورت ہے لیکن جس شخص کے اسلام ہی میں اختلاف پایا جاتا ہو اس کی امامت کو کون حلال گمان کریگا؟ کیا تجھے خبر نہیں کہ اسے امام بنانے میں اسکی تعظیم ہے اور وہ شرعاً قطعی طور پر حرام ہے اس کے باوجود ہمارے علماء امام ابو یوسف رضی اللہ تعالیٰ عنہ سے روایت کرتے ہیں کہ متکلمین کی امامت جائز نہیں اگرچہ ان کا عقیدہ صحیح ہو جیسے کہ امام اجل ہندوانی زاہدی صاحبِ ''قنیہ'' و''مجتبیٰ''، امام بخاری صاحبِ ''خلاصہ'' اور ابنِ ہمام صاحب ِ''فتح القدیر'' نے نقل کیا(۱)، امام الائمہ شمس الائمہ حلوائی رحمۃ اللہ تعالیٰ علیہ کے فتویٰ میں جو ان کے خط مبارک سے پایا گیا یہی بات لکھی ہے جیسے کہ ''خلاصہ'' میں ہے(۲) اس روایت کو تمام ائمہ کاملین نے قبول کیا اور اس کی مراد مختلف طریقوں سے بیان فرمائی ہے، اکثر اس طرف گئے ہیں کہ اس جگہ متکلم سے