Brailvi Books
 |
قسط 3: سنت نکاح تذکرہ امیرِ اہلسنّت |
35 - 86
المدینہ کراچی) میں اجتماعِ ذکرو نعت کا اہتمام کیاجس میں ہزاروں اسلامی بھائیوں نے شرکت کی ۔اجتماعِ ذکرونعت کا آغاز تلاوتِ قراٰن حکیم سے ہوا ،پھر سرکارِ مدینہ ،سُرورِ قلب وسینہ صلی اللہ تعالیٰ علیہ واٰلہ وسلم کی بارگاہ میں گلہائے عقیدت نعت شریف کی صورت میں پیش کئے گئے ۔ اس کے بعد شیخ ِطریقت امیرِ اہلسنّت دامت برکاتہم العالیہ نے اس موقع پر مَدَنی مذاکرہ میں اسلامی بھائیوں کے سوالات کے جوابات دئیے۔ پھر امیرِ اہلسنّت دامت برکاتہم العالیہ کا لکھا ہوا منظوم دعائیہ سہرا شریف پڑھا گیا اور صلٰوۃ وسلام پر اس اِجتماع ذکرونعت کا اختتام ہوا ۔
صَلُّو ا عَلَی الْحَبِیب ! صلَّی اللہُ تعالٰی علٰی محمَّد
چھوہارے کیوں نہیں بانٹے؟
امیرِ اہلسنّت دامت برکاتہم العالیہ نے کچھ یوں ارشاد فرمایا:مجھ سے اصرار کیا گیا کہ اجتماعِ ذکرونعت کے شرکاء میں کوئی چیز تقسیم کی جائے ، کسی نے یہ مشورہ بھی دیا کہ چل مدینہ کے 7 حُرُوف کی نسبت سے سات سات چھوہاروں پر مشتمل پیکٹ تقسیم کردئیے جائیں ،اس کے نمونے (sample)سیمپل بھی آگئے تھے مگر میں نے منع کردیا اس لئے نہیں کہ رقم بہت خرچ ہوتی بلکہ یہ سوچ کر کہ یہ چھوہارے ہم بانٹیں گے کس جگہ ؟