Brailvi Books

    حکیم الامت حضرت مولانا مفتی احمدیارخان علیہ رحمۃ المنّان مرأۃ المناجیح میں اس حدیث کے تحت لکھتے ہیں :'' یعنی جس نکاح میں فریقین کا خرچ کم کرایا جائے ، مہر بھی معمولی ہو، جہیز بھاری نہ ہو، کوئی جانب مقروض نہ ہوجائے، کسی طرف سے شرط سخت نہ ہو، اﷲ(عزوجل) کے توکل پر لڑکی دی جائے وہ نکاح بڑا ہی بابرکت ہے ایسی شادی خانہ آبادی ہے، آج ہم حرام رسموں ،بے ہودہ رواجوں کی وجہ سے شادی کو خانہ بربادی بلکہ خانہا (یعنی بہت سارے گھروں کے لئے باعثِ)بربادی بنالیتے ہیں۔ اﷲ تعالیٰ اس حدیث پاک پر عمل کی توفیق دے۔