Brailvi Books
 |
تربیت اولاد |
بچے پيٹ ميں اينٹھن (يعنی مروڑ) کی وجہ سے بھی روتے ہيں اگر بچہ ٹانگيں سکيڑ کر اچانک رونا شروع کر دے تو تھوڑی دير بعد گيس خارج ہونے پر چپ ہو جائے گا۔ کچھ عرصہ بعد پھر ايسا ہی کرے تو يہ اس بات کی علامت ہے کہ بچہ پيٹ کی تکليف ميں مبتلاہے ۔دودھ پلانے کے بعد بچے کو سينے سے لگا کر ڈکاريں دلادی جائيں تو بچے عموماً اس تکليف ميں مبتلا نہيں ہوتے اگر بچہ اس تکليف کی وجہ سے رو رہا ہو تو ڈکار دلانے پر فورًا چپ ہو جاتا ہے ،اگر پھر بھی چپ نہ ہو اور مسلسل روتا رہے تو اپنے معالج سے ضرور رجوع کريں ۔
(۵)بوریت:
بچہ کمرے ميں تنہا سو رہا ہو اوراچانک اس کی آنکھ کھل جائے اور آس پاس کوئی نظر نہ آئے تو بيزار ہو کر رونے لگتا ہے۔ بچے تنہائی سے بہت جلد اکتا جاتے ہيں ايسی صورت ميں بچے کو گود ميں لے کر بہلانے سے بچہ فورًا چپ ہو جاتا ہے۔