Brailvi Books
 |
تربیت اولاد |
72 - 185
ملتے تھے۔ليکن جب ہم اسلام لائے تو اب ہمارے ہاں جب بچہ پيد ا ہو تا ہے ہم اس کی طرف سے بکری ذبح کرتے، اس بچہ کا سر منڈاتے اور اس کے سر پر زعفران ملتے ہيں۔''
(المستدرک للحاکم،کتاب الذبائح،باب عن الغلام شاتان وعن الجاريۃشاۃ،الحدیث ۷۶۶۸،ج۵،ص۳۳۸)
ام المؤمنين حضرت سيدتنا عائشہ صديقہ رضی اللہ تعالیٰ عنہاسے روايت ہے کہ زمانہ جاہليت ميں لوگوں کا دستور يہ تھا کہ جب وہ بچے کا عقيقہ کرتے تو روئی کے ايک پھائے ميں عقيقے کے جانور کا خون بھر ليتے ۔پھر جب بچے کا سر منڈا ديتے تو وہ خون بھرا پھايا اس کے سر پر رکھ ديتے اور اس کے سر کو عقيقے کے خون سے رنگ ديتے ۔يہ ايک جاہلانہ رسم تھی ۔نبی مُکَرَّم،نُورِ مُجسَّم، رسول اکرم، شہنشاہ ِبنی آدم صلَّی اللہ تعالیٰ علیہ والہٖ وسلم نے فرمايا ''بچے کے سر پر خون نہيں بلکہ اس کی جگہ خلوق(ايک مرکب خوشبو کا نام ہے جو زعفران وغيرہ سے تيا ر کی جاتی ہے)لگا يا کرو''
(الاحسان بترتیب صحیح ابن حبان ،کتاب الاطعمۃ ،باب العقیقۃ،الحدیث۵۲۸۴،ج۷،ص۳۵۵)