Brailvi Books
 |
تربیت اولاد |
137 - 185
کمرے کی طر ف جاتے ہوئے کھنکارلینا چاہيے تاکہ گھر کے دیگر افراد کو ہماری موجودگی کا احساس ہوجائے اور وہ آگے پیچھے ہوسکیں۔مولائے کائنات حضرت علی رضی اللہ تعالیٰ عنہ فرماتے ہیں کہ میں رسول اللہ صلی اللہ تعالیٰ علیہ وآلہ وسلم کی خدمت بابر کت میں ایک مرتبہ رات کے وقت اور ایک مرتبہ دن کے وقت حاضر ہوتا تھا ۔جب میں رات کے وقت آپ صلی اللہ تعالیٰ علیہ وآلہ وسلم کے پاس حاضری دیتا آپ صلی اللہ تعالیٰ علیہ وآلہ وسلم میرے لئے کھنکارتے ۔''
(سنن ابن ماجہ ،کتاب الادب ،باب الاستئذان،الحدیث۳۷۰۸،ص۲۶۹۸)
(۴) جب کسی کے گھر جائیں تو سلام کريں اور اپنا نام بتائیں اور پوچھیں کہ کیا میں اندر آسکتا ہوں اگر اجازت مل جائے فبھاورنہ ناراض ہوئے بغیر واپس لوٹ آئیں۔ اس دوران دروازے سے ہٹ کرکھڑے ہوں تاکہ گھر میں نظر نہ پڑے ۔ حضرت سیدناعبداللہ بن بسر رضی اللہ تعالیٰ عنہ فرماتے ہيں کہ اللہ عزوجل کے پیارے محبوب ، دانائے غیوب صلَّی اللہ تعالیٰ علیہ واٰلہٖ وسلّمجب کسی دروازہ پر تشریف لے جاتے تو دروازہ کے سامنے کھڑے نہیں ہوتے تھے بلکہ دائیں یا بائیں طرف دروازے سے ہٹ کر کھڑے ہوتے تھے ۔
(سنن ابی داؤد،کتاب الادب،باب کم مرۃ یسلم الرجل فی الاستیذان ،الحدیث ۵۱۸۶،ج۴،ص۴۴۶)