Brailvi Books

تلخیص اُصول الشاشی مع قواعد فقہیہ

40 - 144

سبق نمبر(9)

(۔۔۔۔۔۔ ظہور وخَفا کی اقسام ۔۔۔۔۔۔)

متقابلات :

    متقابلات سے مراد وہ آٹھ چیزیں ہیں جو ایک دوسرے کے مقابلے میں واقع ہوتی ہیں۔ جیسے ''ظاہر'' کے مقابلے میں'' خفی''،'' نص''کے مقابلے میں'' مشکل''،'' مفسر'' کے مقابلے میں'' مجمل''، اور'' محکم'' کے مقابلے میں ''متشابہ''۔اب ان میں سے ہر ایک کی الگ الگ وضاحت کی جاتی ہے۔

ظاہر کی تعریف :

    ظاہر سے مراد وہ کلام ہے جسے محض سنتے ہی اس کی مراد بغیر کسی تامل (غوروفکر)کے سامع پر واضح ہو جائے۔

ترجمہ کنزالایمان:'' اوراللہ نے حلال کیا بیع کواورحرام کیاسود۔''[البقرۃ: ۲۷۵] اس کلام کواس لیے لایا گیا تاکہ کفار کے اس دعوی کی تردید ہو کہ بیع اور سود دونوں ایک ہی ہیں۔ لہذا اس کلام کو سنتے ہی اسکی مراد سامع پر بالکل واضح ہو گئی کہ بیع اور سود کے درمیان فرق ہے۔