Brailvi Books
 |
تلخیص اُصول الشاشی مع قواعد فقہیہ |
136 - 144
صورت میں نماز کا سجدہ ترک کرنا پڑے گاتووہ بیٹھ کر نماز اداکرے اور رکوع وسجدہ اشارہ سے ادا کرے کیونکہ سجدہ ترک کردینا اس سے کمتر اور آسان ہے کہ نماز حالت حدث اور نجس جسم کے ساتھ پڑھے۔
قاعدہ نمبر: 40 '' اِذَا جَاءَ الاِحْتِمَالُ بَطَلَ الاِسْتِدْلاَلُ ''
ترجمہ:
جب احتمال آجاتاہے تو استدلال باطل ہو جاتاہے۔
مثال:
چارمسلمانوں نے کسی شخص کے خلاف زناکی گواہی دی لیکن بعد میں ان گواہوں کا فسق وفجور ثابت ہوگیاتوان کی گواہی رد کردی جائے گی کیونکہ اب ان کی گواہی میں کذب کا احتمال پیداہوگیالہذااب ان کی گواہی قابل استدلال نہیں رہی۔قاعدہ نمبر: 41 '' اَلضَّرَرُ لاَ یُزَالُ بِالضَّرَرِ ''