حضرتِ مولانا سید ایّوب علی علیہ رحمۃ القوی کا بیان ہے کہ '' کوہ ِبھوالی سے میری طلبی فرمائی جاتی ہے ، میں بہ ہمراہی شہزادہ اصغر(حضور مفتیئ اعظم ہند)حضرت مولانامولوی شاہ محمد مصطفی رضاخاں صاحِب مدظلہ الاقدس، بعد ِ مغرب وہاں پہنچتا ہوں ،شہزادہ ممدوح(مَمْ۔دُوح یعنی جس کی تعریف کی جائے)اندر مکان میں جاتے ہوئے یہ فرماتے ہیں:'' ابھی حُضورکو آپ کے آنے کی اطِّلاع کرتاہوں۔''مگر باوُجُود اس آگاہی کے کہ حُضور(یعنی امامِ اہلسنّت شاہ مولانااحمدرضاخان علیہ رحمۃ الرحمن)تشریف لانے والے ہیں ،تقدیمِ سلام سرکار(یعنی سلام میں پہل اعلیٰ حضرت)ہی فرماتے ہیں، اس وقت دیکھتا ہوں کہ حُضوربالکل میرے پاس جلوہ فرما ہیں ۔''
