Brailvi Books

ہے ،کھولتا ہوا تیل تو بہت بڑی چیز ہے ، ابلتا دودھ بھی سارے حُسن کو غارت کرنے کیلئے کافی ہے۔ یہ بھی پیشِ نظر رہے کہ انسان جب تک دنیا میں رہتا ہے اپنے جسم کے اندر مختلف گندگیاں مَثَلاً پیٹ میں پاخانہ وپیشاب اور رِیح (یعنی بدبودار ہوا)،ناک میں رینٹھ(رِیں۔ٹھ)، منہ میں تھوک ، کانوں میں بدبودار میل ،ناخُنوں میں مَیل، آنکھوں میں کیچڑ اورپسینے سے بدبودار بغلیں لئے پھرتاہے ، روزانہ کئی کئی بار اِستنجا خانے میں اپنے ہاتھ سے پاخانہ و پیشاب صاف کرتا ہے ،کیا ان سب چیزوں کے ہوتے ہوئے فَقَط گوری رنگت ،ڈیل ڈول اور قدوقامت نیز چوڑے چکلے سینے وغیرہ پر تَکَبُّرکرنا زیب دیتا ہے!یقینا نہیں۔حضرت سیِّدُنا اَحنَف بن قیس رضی اللہ تعالیٰ عنہ فرماتے ہیں :''آدمی پر تعجُّب ہے کہ وہ تَکَبُّر کرتاہے حالانکہ وہ دو مرتبہ پیشاب گاہ سے نکلا ہے۔''