Brailvi Books

کرا سکے اُس وقت تک یہیں پڑا رہوں گا۔''تین دن اِسی طرح گزر گئے تو چوتھے دن ایک بزرگ رحمۃ اللہ تعالیٰ علیہ اونٹ پر آئے اور آپ رحمۃ اللہ تعالیٰ علیہ کو قریب آنے کا اشارہ کیا لیکن اس اشارے کے ساتھ اونٹ کے پاؤں زمین میں دھنستے چلے گئے ۔ انہوں نے چُبھتے ہوئے لہجہ میں کہا :'' کیا تم یہ چاہتے ہو کہ میں اپنی کھلی ہوئی آنکھوں کو بند کر لوں اور بند آنکھ کھول دوں اور بایزید سمیت پورے بسطام کو غرق کر دوں؟'' یہ سن کر آپ گھبراگئے اور پوچھا :'' آپ کون ہیں اور کہاں سے آئے ہیں؟''جواب دیا کہ'' جس وقت تم نے اللہ  تعالیٰ سے عہد کیا تھا اُس وقت میں یہاں سے تین ہزار میل دُور تھا اور اِس وقت میں سیدھا وہیں سے آ رہا ہوں،میں تمہیں باخبر کرتا ہوں کہ اپنے قلب کی نگرانی کرتے رہو ۔''یہ کہہ کر وہ بُزُرگ غائب ہو گئے۔