Brailvi Books

عِلمِ دین سیکھنا سِکھانا بہت بڑی سعادت ہے اور اپنی ضرورت کے بقدر اس کا حاصل کرنا فرض بھی ہے مگربعض اوقات انسان کثرتِ عِلم کی وجہ سے بھی تَکَبُّر کی آفت میں مبتلاہوجاتا ہے اور کم عِلم اِسلامی بھائیوں کو حقیر جاننے لگتا ہے ۔ بات بات پر انہیں جھاڑنا ،وہ کوئی سوال پوچھ بیٹھیں توان کی کم علمی کا اِحساس دلا کر ذلیل کرنا ، انہیں ''جاہِل'' اور''گنوار'' جیسے بُرے القابات سے یاد کرنا اُس کی عادت بن جاتا ہے۔ ایسا شخص توقع رکھتا ہے کہ لوگ اُسے سلام کرنے میں پہل کریں اور اگر یہ کسی اَن پڑھ کو سلام میں پہل کر لے یا دوگھڑی اُس سے ملاقات کر لے یا اس کی دعوت قبول کر لے تواُس پراپنا احسان سمجھتا ہے ،عام طور پر لوگ اس کی خیرخواہی کرتے