چوتھی علامت: کسی سے ملاقات کے لئے خود چل کر جانے میں ذلّت سمجھنا ، اِس بات کو پسند کرنا کہ دوسرا مجھ سے ملنے آئے۔(ایضاً)
مُحَاسَبَہ:کہیں ہم بھی تو ایسے نہیں؟
مَدَنی پھول : اگرکوئی اپنی دینی یا دنیاوی مصروفیات کے سبب لوگوں سے ملاقات کرنے نہیں جاتا یا اِس لئے نہیں ملتا کہ غیبت وغیرہ گناہوں میں مبتَلا ہونے کا اندیشہ ہے یا سامنے والے پراُس کی ملاقات گراں گزرے گی توایساکرناتکبرنہیں اوران وجوہات کی بِناء پر ملاقات نہ کرنامذموم (یعنی قابلِ مذّمت)بھی نہیں ہے ۔ (ایضاً)
پانچویں علامت: بظاہر کسی کم تر اِسلامی بھائی کا برابرآکر بیٹھ جانا اِس لئے ناگوار گزرنا کہ میں اِس سے افضل ہوں، یہ بھی تَکَبُّر میں داخِل ہے۔
مُحَاسَبَہ:کہیں ہم بھی تو ایسے نہیں؟
