Brailvi Books
 |
ٹی وی اور مووی |
9 - 31
27رمضان المبارک کواتفاق سے میرا ان سے سامنا ہوگیا میں نظر بچا کر نکلنے ہی لگا تھا کہ اس نے مجھے آواز دی اور کہنے لگا:'' میں نے مولانا محمد الیاس عطار قادری دامت برکاتہم العالیہ کی T.Vپررِلے (Relay)ہونے والی دعا میں شرکت کی ،بڑا سُرُور ملا اور الحمد للہ عَزَّوَجَلَّ میں بھی عطاری بن گیا ہوں۔''
صَلُّو اعَلَی الْحَبِيْب صلَّی اللہُ تَعَالٰی عَلیٰ مُحَمَّد
(۷)قیدیوں کی توبہ
صوبۂ پنجاب کے شہر'' قصور'' میں دعوتِ اسلامی کے مبلّغین کی انفِرادی کوشِش کی برکت سے جیل انتظامیہ نے رَمَضان المبارک ۱۴۲۶ھ کے آخری عشرے میں 48قیدیوں کو نفلی اعتکاف کی اجازت دے دی ۔ چنانچہ یہ معتکف قیدیصبح 10بجے سے دوپہر 4بجے تک فرائض و واجبات اور سنّتیں سیکھنے سکھانے کے حلقوں میں شرکت کیاکرتے ۔دوران اعتِکاف 27ویں شب بانئ دعوتِ اسلامی امیرِ اہلسنّت دامت برکاتہم العالیہ کیT.Vپر رِلے(Relay) ہونے والی دعاء سنانے کا جیل میں انتظام کیا گیا تھا ۔ جب دعا شروع ہوئی تو انتہائی رقّت انگیز منظر تھا ،تما م قیدی ہاتھ اُٹھائے رورو کر اپنے گناہوں پر نادم ہوکر توبہ کررہے تھے۔ ان سب نے آئندہ گناہ نہ کرنے کا عزم کیا اورامیرِ اہلِسنّت دامت برکاتہم العالیہ کے ذَرِیعے سلسلۂ عالیہ قادریہ رضویہ عطّاریہ میں داخل ہوکر عطاری بھی بن گئے ۔