یقینایہ دعا اپنے غلاموں کی تعلیم کے لئے ہے کہ وہ اپنے اخلاق کی اصلاح کے لئے دعا کرتے رہاکریں، ورنہ ہمارے سر کار عالم مدار صلی اللہ تعالیٰ علیہ واٰلہ وسلم کے اخلاق کریمہ کے تو کیا کہنے ۔آپ صلی اللہ تعالیٰ علیہ واٰلہ وسلم کے حسن اخلاق کے توقرآن مجید میں چرچے ہیں۔چنانچہ پ۲۹،سورۃالقلم،آیت نمبر۴ میں ارشاد ہوتا ہے۔
وَ اِنَّکَ لَعَلٰی خُلُقٍ عَظِیۡمٍ ﴿۴﴾
ترجمہ کنزالایمان:اوربے شک تمہاری خُو بُو(خُلق) بڑی شان کی ہے۔(پ۲۹،القلم۴)
ترے خُلْق کو حق نے عظیم کہا تر ی خِلْق کوحق نے جمیل کیا
کوئی تجھ سا ہوا ہے نہ ہوگا شہا! تیرے خالق حسن وادا کی قسم اے ہمارے پیارے اللہ عزوجل! ہمیں سنت کے مطابق اپنے سراور داڑھی میں تیل لگانے اور کنگھا کرنے کی توفیق مرحمت فرما۔
امین بجا ہ النبی الامین صلی اللہ تعالیٰ علیہ وآلہ وسلم
