Brailvi Books

    میٹھے اسلامی بھائیو! ہمارے پیارے آقا صلی اللہ تعالیٰ علیہ واٰلہ وسلم سیدھی طرف سے وضو کرنا پسند فرماتے۔ اس کے معنی یہ ہیں کہ وضو کرتے وقت پہلے سیدھا ہاتھ مبارک دھوتے پھر بایاں ۔اسی طر ح پاؤں مبارک دھوتے وقت بھی یہی ترتیب ملحوظ رکھا کرتے ۔نیز اس حدیث پاک میں کنگھا اور نعلین شریفین کے بارے میں بھی سیدھی ہی جانب سے شرو ع کرنا منقول ہوا ۔یعنی سر اقدس اور داڑھی مبارک میں جب کنگھا فرماتے تو پہلے سیدھی جانب سے شروع کرتے ، پھر بائیں جانب ۔نیز نعلین شریفین پہنتے وقت بھی پہلے سیدھے قدم مبارک کو نعل پاک میں داخل فرماتے پھربائیں قدم مکرم کو ۔ صرف ان تین کاموں ہی کی تخصیص نہیں،جتنے بھی تکریم کے کام ہیں آپ صلی اللہ تعالیٰ علیہ وآلہ وسلم سیدھی جانب سے ہی شروع کرنا پسند فرماتے ۔ چنانچہ لباس پہننا ،مسجد میں داخل ہونا ، سر اور مونچھ وغیرہ کے بال تراشنا ، مسواک کرنا ، ناخن کاٹنا ، آنکھوں میں سرمہ ڈالنا ،کسی کوکوئی چیز دینا یاکسی سے لینا ، کھانا پینا وغیرہ وغیرہ کام سیدھے ہاتھ سے سیدھی جانب سے کرنے چاہیں۔