Brailvi Books
 |
سنتیں اور آداب |
65 - 123
سے ناخن کاٹنے کی یہ سنت منقول ہے کہ سب سے پہلے سیدھے ہاتھ کی چھنگلیا ، پھربیچ والی ، پھر انگوٹھا ، پھر منجھلی(یعنی چھنگلیا کے برابر والی) پھرشہادت کی انگلی۔ اب بائیں ہاتھ میں پہلے انگوٹھا ،پھر بیچ والی ،پھر چھنگلیا، پھرشہادت کی انگلی، پھر منجھلی ۔یعنی سیدھے ہاتھ کے ناخن چھنگلیا سے کاٹنا شروع کریں اور الٹے ہاتھ کے ناخن انگوٹھے سے ۔
(ماخوذ از بہارشریعت ،حصہ ۱۶،ص۱۹۵)
(۲) دوسرا طریقہ آسان ہے اور یہ بھی ہمارے مدنی آقا صلی اللہ تعالیٰ علیہ وآلہ وسلم سے ثابت ہے او ر وہ یہ ہے کہ سیدھے ہاتھ کی شہادت کی انگلی سے شرو ع کر کے ترتیب وار چھنگلیا سمیت ناخن تراشیں مگر انگوٹھا چھوڑدیں۔اب الٹے ہاتھ کی چھنگلیا سے شروع کرکے تر تیب وار انگوٹھے سمیت ناخن تر اش لیں۔اب آخرمیں سیدھے ہاتھ کا انگو ٹھا جو باقی تھا اس کا ناخن بھی کاٹ لیں۔ اس طر ح سیدھے ہی ہاتھ سے شروع ہوا اور سیدھے ہی ہاتھ پرختم ۔
(ماخوذ از بہارشریعت ،حصہ ۱۶،ص۱۹۶)