Brailvi Books

    (۱۲) دوران سفر اگر کوئی حاجت مندمل جائے تو اس کی حاجت روائی کرنی چاہے  ۔ ان شاء اللہ عزوجل اس میں ثواب زیادہ ہوگا کہ بسا اوقات مسافر خو د بھی تو حاجت مند ہوجاتا ہے پھر بھی وہ دوسروں کی مدد کریگا تو اس کے اجر وثواب کا کون اندازہ کر سکتا ہے ؟ حضرت سیدنا ابو سعید خدری رضی اللہ تعالیٰ عنہ سے روایت ہے ، ہم ایک سفر میں رسول اللہ صلی اللہ تعالیٰ علیہ واٰلہ وسلم کے ساتھ تھے کہ ایک آدمی اپنی سواری پر آیا۔ اور دائیں بائیں اسے پھرانے لگا تو مدنی تاجدار حضور سید عالم صلی اللہ تعالیٰ علیہ واٰلہ وسلم نے فرمایا:'' جس کے پاس فالتو سواری ہے تو وہ اسے دیدے جس کے پاس سواری نہیں ہے او رجس کے پاس فالتو زادِراہ ہوتووہ اس کو دیدے جس کے پاس زادِراہ نہیں ہے ۔حتی کہ ہم نے یہ محسوس کیا کہ ہم میں سے کسی کا فالتو مال پر کوئی حق نہیں ہے۔