Brailvi Books

تیسرا نفیس فائدہ : کسی نے عرض کی جب وہ لوگ وہاں سے باہر آئے ان سے کہا گیا کہ تم نے یہ کیا کیا وہاں تو باجے تھے وہاں کیوں قوالی سنی اور وجد کیا وہ بولے ہم ایسے بے خود ہوگئے تھے کہ ہمیں باجوں کی خبر ہی نہ رہی حضرت خواجہ نظام الدین اولیاء رضی اﷲ تعالیٰ عنہ نے فرمایا یہ جواب بہانہ بالکل فضول ہے اس طرح تو سب گناہوں میں یہی حیلے ہوسکتا ہے۔

 (سیر الاولیاء ص ۵۲۱)

دیکھو محبوب الٰہی رضی اﷲ تعالیٰ عنہ نے کیسا شاندار جواب دیا کہ اس طرح تو گناہوں کا راستہ کھل جائے گا کوئی شراب پیئے اور کہدے کہ کمالِ استغراق کی وجہ سے ہمیں خبر نہ ہوئی کہ شراب ہے یا پانی ۔ کوئی زنا کردے اور کہے کہ ہمیں پتہ نہ چلا کہ بیوی ہے یا کوئی اجنبی عورت۔