Brailvi Books

چوّالیسواں قول : نیز آپ رحمۃ اﷲ تعالیٰ علیہ ہی ارشاد فرماتے ہیں '' ہر حقیقت شریعت ہے اور ہر شریعت حقیقت ہے یعنی ان میں سے کوئی ایک دوسرے کے خلاف کبھی نہیں ہوسکتی''۔

(میزان الشریعۃ ص ۵۰ مطبوعہ مصر)

پینتالیسواں قول : جلیل القدر امام حضرت عبد الوہاب شعرانی رضی اﷲ تعالیٰ عنہ فرماتے ہیں۔ ''حجۃ الاسلام امام غزالی رحمۃ اﷲ تعالیٰ علیہ اور دیگر بزرگوں نے تصریح کی ہے کہ اﷲ تعالیٰ نے شیطان کو قدرت دی ہے۔ کہ کشف والا آدمی آسمان و عرش وکرسی ولوح وقلم جہاں سے علوم حاصل کرتا ہے وہاں کی تصویریں بنا کر شیطان آدمی کے سامنے کردے اور حقیقت میں وہ عرش و کرسی ولوح و قلم نہ ہوں بلکہ شیطان کا دھوکہ ہو اور شیطان اس دھوکے سے اپنا شیطانی علم اس کے دل میں ڈال دے اور یہ کشف والا اسے اﷲ عزّوجلّ کی طرف سے سمجھے اور اس پر عمل کرکے خود بھی گمراہ ہو اور دوسروں کو بھی گمراہ کرے۔ اسی لئے اولیائے کرام علیھم الرضوان نے کشف والے پر واجب قرار دیا ہے کہ