Brailvi Books
 |
شریعت و طریقت |
23 - 57
زمانہ بزرگوں میں سے ہیں فرماتے ہیں۔ '' جو شخص اپنے باطن کو مراقبہ اور اخلاص سے صحیح کرلے گا اﷲ تعالیٰ اس کے ظاہر کو مجاہدہ ا ور سنت کی پیروی سے آراستہ کردے گا۔'' اس سے معلوم ہوا کہ جس آدمی کا ظاہر شریعت کے زیور سے آراستہ نہیں وہ باطن میں بھی اﷲ تعالیٰ کے ساتھ اخلاص نہیں رکھتا۔ سولھواں قول : حضرت عثمان حیری رضی اﷲ تعالیٰ عنہ نے انتقال کے وقت اپنے صاحبزادے ابو بکر علیہ الرحمۃ سے فرمایا '' اے میرے بیٹے ! ظاہر میں سنت کی خلاف ورزی اس بات کی علامت ہے کہ باطن میں ریا کاری ہے''۔
(رسالہ قشیریہ ص ۱۵ مطبوعہ مصر)
سترھواں قول : حضرت سعید بن اسماعیل حیری رحمۃ اﷲ تعالیٰ علیہ فرماتے ہیں۔ ''نبی کریم صلی اﷲ تعالیٰ علیہ وسلم کی باطنی صحبت کا طریقہ یہ ہے کہ سنت کی پیروی کرے اور علم ظاہر کو لازم پکڑ لے۔''
(رسالہ قشیریہ ص ۲۵ مطبوعہ مصر)