Brailvi Books

چنانچہ امام غزالی رحمۃ اﷲ علیہ احیاء العلوم میں فرماتے ہیں کہ امام اعظم ابو حنیفہ علیہ الرحمۃ کے شاگرد رشید اور حدیث وفقہ ومعرفت وولایت میں متفقہ امام حضرت عبد اﷲ بن مبارک رضی اﷲ عنہ سے کسی نے پوچھا ناس یعنی آدمی کون ہے فرمایا علمائ۔ امام غزالی علیہ الرحمۃ فرماتے ہیں جو عالم نہ ہوامام ابن مبارک صنے اسے آدمی ہی شمار نہ کیا کیونکہ انسان اور جانوروں میں علم ہی کا فرق ہے انسان اس سبب سے انسان ہے جس وجہ سے اسے شرف حاصل ہے اور یہ شرف وبزرگی کس وجہ سے ہے ،یہ جسمانی طاقت کی وجہ سے نہیں کہ اونٹ آدمی سے زیادہ طاقتور ہے اور نہ ہی انسان کی بزرگی اس کے بڑے جسم کی وجہ سے ہے کہ ہاتھی کا جسم اس سے بڑا ہے نہ بہادری کی وجہ سے کہ شیر اس سے زیادہ بہادر ہے نہ خوراک کی وجہ سے کہ بیل کا پیٹ اس سے بڑا ہے اور وہ زیادہ کھاتا ہے اور نہ ہی انسان کا شرف جماع کی وجہ سے ہے کہ چڑوٹا جوسب میں ذلیل چڑیا ہے انسان سے زیادہ اس فعل کی قوت رکھتا ہے۔ آدمی تو صرف علم کے لئے بنایا گیا ہے اور اس علم کی وجہ سے انسان کا شرف وبزرگی ہے۔