Brailvi Books

جب اﷲ عزوجل نے علمائے شریعت کو اپنا چنا ہوا بندہ فرمایا اور رسول اﷲصلی اﷲ تعالیٰ علیہ وسلم انہیں اپنا وارث' اپنا خلیفہ' اپنا جانشین فرماتے ہیں تو انہیں شیطان کہنا جیسا کہ عمرو نے کہا ،شیطان ہی کا کام ہوسکتا ہے یا اس کی اولاد میں سے کسی منافق خبیث کا اور ایسے لوگوں کو منافق میں نہیں کہتا بلکہ رسول اﷲ صلی اﷲ تعالیٰ علیہ وسلم فرماتے ہیں '' تین شخصوں کے حق کو ہلکانہ جانے گا مگر منافق اور منافق بھی کونسا کھلا منافق (وہ تین اشخاص یہ ہیں )ایک بوڑھا مسلمان جسے اسلام ہی میں بڑھاپا آیا دوسرا عالم دین تیسرا بادشاہ مسلمان عادل'' (طبرانی) نیز نبی کریم صلی اﷲ تعالیٰ علیہ وسلم فرماتے ہیں '' لوگوں پرزیادتی نہ کریگا مگر ولد الزنا یا وہ جس میں اس کی کوئی رگ ہو'' (طبرانی فی الکبیر) جب عام لوگوں پرزیادتی کا یہ حکم ہے تو علماء کی شان تو بہت بلند و بالا ہے ان پرزیادتی کرنے والے کے لئے تو حکم اور زیادہ سخت ہوگا۔ بلکہ حدیث میں لفظ ناس (انسان) ہے اور صحیح معنوں میں انسان علماء ہی ہیں