Brailvi Books
 |
شرحِ شجرہ قادِریہ رضویہ عطاریہ |
85 - 216
نامور اور معروف بزرگ ہیں۔آپ رحمۃ اللہ تعالیٰ علیہ نے علومِ قرآن کو روایت و درایت اور تجوید و قرأت کے اسرار و رموز کے ساتھ حاصل کیا اورزمانے کے بڑے محدثین اور اہل فضل و کمال و مستند علماء کرام سے سماع حدیث فرماکر علوم کی اس شاندار طریقے سے تحصیل و تکمیل فرمائی کہ اپنے ہم عصر علماء میں نمایاں مقام پالیا اور ان کے بھی مرجع بن گئے ۔
چھٹی صدی ہجری میں نیکی کی دعوت کی جو دُھومیں غوث الاعظم رضی اللہ تعالیٰ عنہ نے مچائیں اُس کی نظیر نہیں ملتی۔ امام محمد غزالی علیہ رحمۃ اللہ الوالی نے تصوُّف کواگر ایک فن کا دَرَجہ دیا تو غوثُ الثقلین رحمۃ اللہ تعالیٰ علیہ نے عملی طور پر اس میں جان ڈال دی۔آپ رحمۃ اللہ تعالیٰ علیہ کے بیانات انتہائی پُر تاثیر ہوتے تھے۔ آپ رحمۃ اللہ تعالیٰ علیہ نے جس وقت بیان کی محافل شروع کیں تو لوگ آپ کی طرف اُمنڈ پڑے۔اللہ تعالیٰ نے مخلوق کے دلوں کو آپ کی عظمت وہیبت کے سامنے سرنگوں کردیا اور اس وقت کے اولیاء کرام کو آپ رحمۃ اللہ تعالیٰ علیہ کے سایہ قدم اور دائرہ حکم میں دے دیا ۔آپ رحمۃ اللہ تعالیٰ علیہ خود فرماتے ہیں:''قَدَمِیْ ھٰذِہِ عَلٰی رَقَبَۃِ کُلِّ وَلِیِّ اللہِ
یعنی میرا یہ قدم ہر ولی اللہ کی گردن پر ہے ۔''
آپ رحمۃ اللہ تعالیٰ علیہ کو بیعت وخلافت حضرت شیخ ابوسعید مبارک مخزومی علیہ رحمۃ اللہ الغنی سے حاصل تھی ۔اللہ تعالیٰ نے سلسلہ قادریہ کو آپ رحمۃ اللہ تعالیٰ علیہ کی نسبت سے وہ شرف عطا فرمایا ہے کہ اس کو سارے سلاسل کا مرجع بنا دیا ۔آج بھی سلسلہ قادریہ کا فیض دیگر سلاسل پر جاری ہے ۔ اعلیٰ حضرت الشاہ مولانا احمد رضاخان علیہ رحمۃ الرحمن فرماتے ہیں ؎